BEZPERAK
Agurra
V/. Zatozkit lagun, ene Jainko.
R/. Jauna, zatoz laster ni laguntzera.
V/. Aintza Aitari eta Semeari,
eta Espiritu Santuari.
Lehen lez, orain eta beti,
eta amaibako egunetan. Amen. Alleluia.
BASAMORTUAN ZEHAR
Basamortuan zehar dabila
Jainko-herria erromes;
argi, bake ta maitetasuna
dakarten zeruen galdez.
Agindu-lurra Jainkoak dio
emango kateen ordez;
penak utzita goza dadien
bizi berri baten pozez.
—-Zure pozetan goaz,
—-Jerusalem berri;
—-fedeak zu-baitan du
—-bere ziment-harri.
—-Maitasunak zu zaitu
—-bere berogarri.
—-Piztu itxaropena
—-zure herriari.
Israel berri gurutzearen
ondoren doa bidari;
bide iluna argitutzeko
hodeia dauka gidari.
Zerua du hark, Kristok agindu
erreinu eta lur berri;
Honek dizkio, oinak sendotzen
Jainko-herri berriari.
—-Zure pozetan goaz,
—-Jerusalem berri;
—-fedeak zu-baitan du
—-bere ziment-harri.
—-Maitasunak zu zaitu
—-bere berogarri.
—-Piztu itxaropena
—-zure herriari.
Herriak beren minaren minez
daude ezin-egonetan;
bake, poz, argi, egia eta
maitetasun bilaketan.
Entzun zuk haien negar antsia,
eutsi bideko nekeetan,
larri bait dabiltz zure etxe-bila
fedearen urratsetan.
—-Zure pozetan goaz,
—-Jerusalem berri;
—-fedeak zu-baitan du
—-bere ziment-harri.
—-Maitasunak zu zaitu
—-bere berogarri.
—-Piztu itxaropena
—-zure herriari.
Salmoak
1
Ant. Osatu
naizu, Jauna, pekatu egin dot-eta zure aurka.
40 Salmoa
Bai dohatsu,
behartsuaz eta dohakabeaz
arduratzen dena,
egun gaiztoan
onez aterako dau Jaunak.
Jaunak gordeko
dau eta bizirik eukiko,
dohatsu egingo dau lurrean:
ez dau utziko arerioen menpean.
Ohean minez
dala,
Jauna etorriko jako lagun,
gatxaldiko makaltasun guztiak
kenduko deutsoz.
Hauxe dinot
nik: «Erruki zakidaz, Jauna,
osatu naizu,
pekatu egin dot-eta
zure aurka».
Arerioek
txarto-esaka dihardue nitaz;
«Noiz hilko ete da; noiz geldituko
amatauta haren izena»?
Ikustera
jatortanari
ahotik huskeria dario,
bihotzean okerra darabil,
handik urtetean dagi berbaz.
Marmarrean
dihardu nire aurka
gorroto nauanak,
danak batean,
niri zelan kalte egin asmaketan.
«Izurri
gaiztoak hartu dau,
ohean datzan hori
ez da barriro jagiko».
Nik adiskide
ontzat naukanak berak,
nire ogitik jaten ebanak,
nire aurka jaso dau orpoa,
Zu, ordea,
erruki zakidaz,
eta jagiazo naizu, Jauna,
emon deiedan ordaina.
Alde zaitudala
hortik dot ezagutuko:
arearioa ez dala nire lepotik poztuko.
Ni, barriz,
osasunean nozu zainduko,
eta zure aurrean betiko eukiko.
Bedeinkatua
Jauna, Israelgo Jainkoa,
betirik betiko. Amen, amen!
Aintza Aitari
eta Semeari
eta Espiritu Santuari.
Lehen lez orain eta beti
eta amaibako egunetan. Amen.
Ant. Osatu
naizu, Jauna, pekatu egin dot-eta zure aurka.
2 Ant. Gudari-taldeen
Jauna gurekin, Jakoben Jainkoa gaztelu sendo gurekin.
45 Salmoa
Jainkoa dogu
gordeleku eta indar,
Berar urten deusku estualdian
laguntzaile bizkor.
Horregaitik ez gara bildurtuko
lurrak badau dar-dar egiten,
nahiz mendiak badira
itsas-erdira jausten.
Harrotu, apartu beitez hango urak,
dardaratu beitez
haren haserrez mendiak.
Gudari-taldeen
Jauna gurekin,
Jakob-en Jainkoa
gaztelu sendo gurekin.
Ibai-besangek
alaitzen dabe Jainko-uria,
Goi-goikoaren
bizileku guztiz santua.
Jainkoa dauka erdian,
ez da kolokatuko,
argi-txintarekin
Jainkoak dau lagunduko.
Atzerriek deadar egin dute,
erreinuek zalaparta,
Haren berba-hotsez lurrak ikara.
Gudari-taldeen
Jauna gurekin,
Jakob-n Jainkoa
gaztelu sendo gurekin.
Zatoze eta
ikusi Jaunak eginak,
lurrean egiten dituen harrigarriak:
Berak ditu guduak geldituazoten,
lurrean alderik alde
uztaiak xehatzen, lantzak apurtzen,
babeskiak kiskaltzen.
«Geldi hor!
Jakin eiue
Jainkoa nazala Ni,
atzerrien gain
eta lurraren gain nagusi».
Gudari-taldeen
Jauna gurekin,
Jakoben Jainkoa
gaztelu sendo gurekin.
Aintza Aitari
eta Semeari
eta Espiritu Santuari.
Lehen lez orain eta beti
eta amaibako egunetan. Amen.
Ant. Gudari-taldeen
Jauna gurekin, Jakoben Jainkoa gaztelu sendo gurekin.
3 Ant. Atzerriak
etorriko dira, Jauna, eta zure aurrean ahuspeztuko.
Kantika: Apk 15, 3-4
Handiak eta
harrigarriak dira
Zuk eginak!
Atzerrien errege,
zuzenak eta egiazkoak
zure bideak!
Nor ez da
izango zure bildur, Jauna?
Nork ez dau goretsiko zure izena?
Zeu baino ez zara-ta santua!
Atzerriak etorri eta zure aurrean
ahuspeztuko dira,
zure erabagiak zuzenak
agertu dira-ta.
Aintza Aitari
eta Semeari
eta Espiritu Santuari.
Lehen lez orain eta beti
eta amaibako egunetan. Amen.
Ant. Atzerriak
etorriko dira, Jauna, eta zure aurrean ahuspeztuko.
Jainkoaren hitza
Erm 6, 12-13
Haragiaren arabera
dabiltzanak, haragizko gauzetara joten dabe; Espirituaren arabera dabiltzanak,
barriz, espirituzko gauzetara. Gure haragiak heriotzara joten dau; Espirituak,
barriz, bizira eta bakera. Izan be, haragiaren joerea, Jainkoaren aurkakoa da,
ez deutso Jainko-legeari obeditzen; eta ezin deutso ere obeditu; haragiaren
menpean aurkitzen diranak, ezin izan gogoko Jainkoari.
Galderantzuna
V/.
Hauxe dinot nik: * erruki zakidaz, Jauna.
R/.
Hauxe dinot nik: * erruki zakidaz, Jauna.
V/.
Osatu naizu, zure aurka hoben egina nozu-ta.
R/.
Urez eta odolez etorri zana.
V/. Aintza
Aitari eta Semeari eta Espiritu Santuari.
R/. Hauxe
dinot nik: * erruki zakidaz, Jauna.
Magn. ant. Zure eskeintza altarara eroaterakoan, gogoratzen bajatzu
zure senideak dauala zeozer zure aurka, laga eizu eskein-gaia han bertan, altara-aurrean,
eta zoaz lehenengo Zure senideagaz bakeak egitera; etorri, orduan, eta egin
zure eskeintza.
Lk 1,
46-55
Handiesten dau
nire arimak Jauna,
pozaren pozez daukat nire barrua;
Jainkoa da-ta nire salbamena,
ikusi dau-ta mirabe honen ezereztasuna.
Dohatsu
deituko nabe gaurtik gizaldi guztiek,
handiak egin deustaz-eta Ahalguztidunak:
Santua da Haren izena,
eta Haren errukia, gizaldiz-gizaldi †
bildur deutsoenengana.
Bere besoaren
indarra erabili dau,
buru harroak triskatu dauz;
bota dauz euren aulkitik handikiak,
eta gora jaso dauz ezerezak;
ondasunez bete dauz gosez egozanak
eta esku hutsik bialdu asko eukenak.
Aintza
Aitari eta Semeari,
eta Espiritu Santuari.
Lehen lez, orain eta beti,
eta amaibako egunetan. Amen.
Ant. Zure eskeintza altarara eroaterakoan, gogoratzen bajatzu zure senideak dauala
zeozer zure aurka, laga eizu eskein-gaia han bertan, altara-aurrean, eta zoaz
lehenengo Zure senideagaz bakeak egitera; etorri, orduan, eta egin zure eskeintza.
Eskariak
Otoitz egin deiogun, bere
odolaz herria santu egin eban Jesus Jaunari, esanez:
Errukitu
zaitez, Jauna, zure herriaz.
—Gure Salbatzaile, zure nekaldiaren bidez emoiezu sinistedunei, euren
buruak hezitzeko indarra; eutsi eiezu txarkeriaren aurka daukezan
burrukaldietan, eta sendotu eizu hareen uste ona, * hobeto prestatu daitezan
zure biztuerea ospatzeko.
—Egizu, kristauek,
profeta-dohaiaren bidez, zabaldu daiela non-nahi zure barri ona, * eta
siniste, itxaropen eta maitasun beroz egin deioela hari autormen.
—Zure indarrez sendotu eizuz
nahigabetuak, * eta eroan gaizuz, harei senide lez laguntzera.
—Erakutsi eiezu kristinauei,
euren nahigabeetan zure nekaldian parte hartzen, * zure salbamena eurengan
agertu daien.
—Biziaren egile Horrek,
gogoan hartu eizuz hemengo bizitzatik joan ziranak,
* eta emoiezu biztuerako aintza.
Gure Aita zeruetan zarana,
santu izan bedi zure izena,
etor bedi zure erreinua,
egin bedi zure nahia
zeruan bezela lurrean ere.
Emoiguzu gaur
egun honetako ogia,
parkatu gure zorrak
geuk ere geure zordunei
parkatzen deutsegun ezkero,
ez eiguzu itzi tentazinoan jausten
baina atara gagizuz gatxetik.
Otoitza
Garizumako penitentzia-aldiak,
Jauna, prestau bei Zure herria Pazko-jaietarako; eta iguzu, alkarteko gorputz-hezitze
hau guztion barru-barritzerako izan daitela.
Zure Seme Jesu Kristo gure Jaunaren bitartez, Zurekin eta Espiritu Santuarekin
batean Jainko eta errege bizi da-ta gizaldi ta gizaldietan.
Amaierea
V/. Jauna
zuekin.
R/. Eta
zure Espirituarekin
V/. Bedeinkatu
zaizela Jainko ahalguztidunak:
Aitak eta Semeak eta Espiritu Santuak.
R/. Amen.
V/. Zoaze
Jaunaren bakean.
R/. Eskerrak
Jainkoari.
